Ատամների բուժում՝ Բախի երաժշտության ներքո

Ատամնաբույժի սենյակում բոռմեքենայի հետ ամենաառաջին ծանոթությունը, որը մարդկանց մեծ մասի մոտ տեղի է ունենում դեռևս մանուկ հասակում, միանգամից և ամբողջ կյանքի համար պայմանական ռեֆլեքս է մշակում դրա ձայնի նկատմամբ: Բայց ինդոնեզացի ատամնաբույժի հիվանդները լսում են միայն հաճելի երաժշտություն: 

Հնարամիտ ատամնաբույժ Դհանի Գուստիանը կարողացել է իր մոտ բերել մեծ թվով հիվանդների և հիմնականում՝ երեխաների: 

Նա բոռմեքենայի ծայրին ամրացրել է փոքրիկ, բայց հզոր դինամիկ, որը միացված է սովորական МР3 նվագարկիչին: Դինամիկի հզորությունը բավարար է նրա համար, որպեսզի խլացնի պտտվող բոռի ինքնատիպ ձայնը: 

Նա ինժեներների հետ կարողացել է հասնել նրան, որ հիվանդներն իրենք կարողանան կարգավորել երաժշտության ձայնը։ Որպեսզի երաժշտությունն ավելի բարձր հնչի, անհրաժեշտ է բերանն ավելի լայն բացել: Գյուտն արժեցել է 595 դոլար, որը նա վաղուց է աշխատել ավելացած հիվանդների հաշվին: 

Բուժումից առաջ հիվանդը ծանոթանում է մեղեդիների ցուցակի հետ, ընտրում իրեն ամենաշատ դուր եկածները։ Փոքրիկ հիվանդներն առավելապես նախընտրում են հեքիաթներ և մանկական երաժշտական ներկայացումներ:

Կարելի է ենթադրել, որ այսպիսի կատարելագործված բոռմեքենա շուտով կհայտնվի այլ երկրներում ևս։ Դհանի Գուստիանն իր նորամուծությունը ներկայացրել է Աթենքում տեղի ունեցած ատամնաբույժների միջազգային կոնգրեսում:

Հարցեր, պատասխաններ, մեկնաբանություններ